زميلي المواطن....تبرع من أجل تأمين مستقبل عبد اللة السعيد

في أحد قطارات الدرجة الثالثة جلس عم حسونة  يشكو حالة لصديق لة وعم حسونة رجل خمسيني يعمل كنجار مسلح منذ أمد بعيد بارع في مهنتة ومتقن لها...فقال لصديقة إنت عارف إني بشتغل مع المعلم كمبورة المقاول من 30 سنة وكنت باخد اليومية وبحمد ربنا وكانت ماشية بس دلوقتي أنا رجل علي أعتاب الستين وكلها سنة ولا اتنين ومعرفش أطلع شغل أنا معدش عندي صحة وطالبت المعلم كمبورة بزيادة 50 جنية في اليومية علشان أأمن مستقبلي بعد مقعد من الشغل ودة من حقي...فقاطعة الصديق قائلا طبعا من حقك بعد العمر والعشرة دي...وتابع حسونة قائلا دة بيساويني في اليومية مع عيال صغيرين لسة بيتعلمو الشغل...المهم لقيتة بيماطل معايا ومش عايز يزودني فرحت للمعلم حنكورة المنافس بتاعة وعرض عليا زيادة 100 جنية فوافقتة وبعد كدة كمبورة عرف وعمل زمبليطة وراح إتخانق مع حنكورة واتلم عليا هو ورجالتة وخوفوني من حنكورة وإنة مديون وعلية فلوس ومش هيوفي بعهدة وإنة هيمشيني في أي وقت وإن مستقبلي معاة وإنة عمرة مهيتخلي عني وهيزودني بس مش بنفس درجة الزيادة بتاع حنكورة علشان بقية العمال ميطالبوش بزيادة فوافقت وفوجئت بعد كدة إنة منعني من نزول الشغل خالص وقال إن الحالة مزنقة معايا وأنا مكلم لك مقاول صاحبي هيشوفك وهتنزل معاة الشغل لما تفرج....فأردف صديقة قائلا يعني الموضوع قلب بعند وعايز يوقف حالك علشان إتجرأت علية وهددت إنك تبطل شغل معاة...فأجاب حسونة أيوة وطير مني المعلم حنكورة...فأردف الصديق قائلا لا حول ولا قوة إلا باللة ربنا هو الرزاق...وحلت لحظات صامتة بين الصديقين قطعها صوت بائع الجرائد صادحا إقرأ الخبر عبد اللة السعيد مضي خلاص   راحت عليكم  خلاص إقرأ يا محترم....وحدث إقبال منقطع النظير علي بائع الجرائد وباع كل ما معة في لحظات وإسترعي ذلك إنتباة عم حسونة فسأل راكب مجاورعن ذلك فرد علية قائلا إنت متعرفش حكاية عبد اللة السعيد دي مصر كلها واقفة علي رجل علشان الموضوع دة..فأجاب عم حسونة قائلا هو مين عبد اللة السعيد دة أصلا وزير من الوزراء؟؟؟؟؟ فقهقه الراكب قائلا إنت راجل طيب أنا هقولك الحكاية بص يا طيب عبد اللة السعيد دة لاعب كرة في النادي الأهلي وهو سنة كبر وقرب يبطل كورة والكورة دي شغلتة وأكل عيشة وهو لعيب جامد وعقدة إنتهي مع الأهلي والمفروض يجدد العقد مع الأهلي أو يشوف نادي تاني لو معجبوش المقابل فالأهلي عرض علية مبلغ فعبد اللة إستقلة وقال أنا قدامي سنتين شغل بالكتير وبعد كدة هقعد في البيت لأني مبعرفش أي شغلانة تانية غير إني أكون لعيب كورة ولازم أأمن مستقبلي فطلب مبلغ أعلي فالأهلي موافقش علشان بقية اللعيبة ميطالبوش بزيادة بعد كدة....ولمعت عينا عم حسونة وشعر بأن الراكب وكأنة يتحدث عن شخصة فقاطع الراكب قائلا وطبعا عبد اللة إتفق مع نادي تاني بمقابل أعلي ودة حقة...فأجاب الراكب صح يا طيب وقام نادي الزمالك متفق مع عبد اللة بمبلغ أربع أضعاف عرض الأهلي فوافق عبد اللة ومضي علي عقد الإنتقال للزمالك واا....قاطعة حسونة قائلا أكمل لك أنا وقام الأهلي زن علي ودن عبد اللة وقالة إن الزمالك مديون وعلية فلوس ومش هيديلك الي اتفقتو علية وإنك إبننا ومحدش هيخاف عليك زينا...فأجاب الراكب أيوة !! طب مهو انت عارف أهة أمال بتستعبط لية يا طيب ومخليني أحكيلك الحكاية؟؟؟؟فأجاب حسونة واللة معرف حاجة بس إلي حصل مع عبداللة حصل معايا بالضبط وكأنك بتتكلم عني...فإستنكر الراكب كلام عم حسونة وقال مازحا وعلي كدة كنت بتلعب لنادي دار المسنين بقة ههههه.....فأجاب عم حسونة اللة يسامجك لا يا إبني أنا قصدي حصل معايا كدة بس الفرق إني نجار مسلح مش لعيب كورة كمل كمل وبعدين إية حصل؟؟؟؟ فتابع الراكب قائلا وبعدين راح السعيد مضي مرة تانية للأهلي تحت الضغط وراحت علي الزمالك وااا  قاطعة عم حسونة قائلا وأكيد الأهلي بعد ما وصل للي هو عايزة قام طارد عبد اللة السعيد وقالة شوفلك نادي تاني علشان يأدبة وضيع علية عرض الزمالك فأومأ الراكب برأسة موافقا صح هو دة إلي حصل بالظبط إنت إية رأيك في الموضوع دة يا حاج مين صح ومين غلط؟؟؟؟ فأجاب عم حسونة عن يقين قائلا عبد اللة مظلوم من حقة يدور علي الفلوس في أخر أيامة علشان يؤمن مستقبلة والأهلي غدر بية وضحك علية وأكل علية حقة واللة الواد دة مظلوم ظلم السنين عامل زي حالاتي بالظبط اللة يكون في عونة زمانة يا ولداة محتاس إزاي هيصرف علي ولادة بعد كدة... دة غلبان زي حالاتي....قاطعة الراكب غلبان إية يا حاج دة إنت إلي غلبان إنت عارف الأهلي إدالة كام علشان يوقع؟؟؟ فتسائل حسونة أكيد مبلغ تافة ضحك بية علية....فأجاب الراكب دة خد سيادتك 20 مليون جنية...وهنا إنتفخت أوداج عم حسونة وإحمرت عيناة وصرخ بأعلي صوتة ضاربا كفا بكف أم عبد اللة السعيد علي أم الكورة علي أم دي بشر